“WengerOUt” & “WengerIN” Jamaahiirta Gunners Oo Isugu Jawaabay Bandhigii 33-aad Ee Ciyaarta Musaaricada “WrestleMania” (+Sawiro)

Jamaahiirta Gunners ayaa si weyn ugu kala qeybsan arinka tababaraha reer France Arsene Wenger kaas oo aan wali heshiis cusub qalinka ugu duugin kooxda ka dhisan waqooyiga London, dhawr jeer ayeyna dhacday iney si aan caadi aheyn isugu jawaabaan.

Waxey aheyd kulankii The Hawthrones ee ay guuldarada kala kulmeen Gunners kooxda West Brom markaas oo ay laba diyaaradood soo kormareen garoonka, waxeyna kala wadeen laba fariin oo midi kasoo horjeedo Arsene midna lagu amaanayo Arsene.

Shalay ayey aheyd markii ay Jamaahiirta Gunners ee kasoo horjeeda Arsene Wenger ay si xun ugu bahdileen banaanka Emirates kulankii ay barbaraha la galeen Manchester City, balse dhacdada 33-aad ee ciyaarta Musaaricada “WrestleMania” ayaa xalay laba sawir oo kala qeybsanaan ah lagu arkay.

Austin Downey oo ah taageere daacad u ah Gunners kaas oo dagan Florida ayaa bartiisa twitter-ka soo dhigay sawir uu kusoo galay garoonka isagoo kor u haya boor ay ku qoran tahay “WENGER IN” taasoo ka turjumeysa in rug-cadaaga reer France uu jeclaan lahaa inuu sii joogo

Sidoo kale sawir kale ayaa lasoo helay kaas oo gadaal kaga dhaganaa meel uu soo jeediyaha bandhigga kasoo tabinayay ciyaarta waxeyna noqotay in kala qeybsanaanta jamaahiirta Arsene ay gaartay meel 4,000 Mile u jirta garoonka Emirates Stadium.