Eric Olhats ayaa xaqiijiyay talaabada United, waxaana uu sheegay inay tartan kala kulmayaan Manchester City, Chelsea iyo Barcelona oo dhamaantood doonaya weeraryahanka reer France.
Olhats ayaa sheegay in mustaqbalka Griezmann aan weli go’aan laga gaarin, waxaana ay Atletico dalban doontaa 100 milyan euro haddii ay kooxi isku daydo inay ka kaxeysato ciyaaryahanka.
Olhats ayaa u sheegay idaacada Faransiiska ee RMC: “Ma jiraan 50,000 kooxood oo 100 milyan miiska soo saari kara, waa wax si dhaqso ah loo ogaan karo. Lacagtaas waa lacagta lagu burburin karo qandaraaskiisa, ma doonayaan inay si raqiis ah ku iibiyaan. Waxaana ay taasi xadideysaa tirada kooxaha doonaya haatan.
“Waxaan maqlay in heshiiska Manchester United la dhamaayey in la saxiixay, laakiin ma ogin xitaa haddii ay ciyaari doonaan Champions League. Taasna waa muhim waa qasab inaan sheego.
“Manchester United waa ay u soo dhawaatay ciyaaryahanka si ay isagu sheegaan, si la mid ah sida ay sameeyeen kooxaha kale.
“Waxa ay u yimaadeen inay ogaadaan waxa uu fekerkeena yahya, waxa uu fekerka ciyaaryahanka yahay, waxyaabaha suurtogalka ah, lacagta inta gaareyso. Wax caqligal ah ayay u muuqataa.
“Chelsea, Manchester City, Barcelona iyo xitaa Real ayaa albaabka soo garaacay si ay u ogaadaan sida ay xaalada tahay, qof walba waxa uu u imaanayaa inuu arko waxa la sameyn karo iyo waxa aan la sameyn karin, taasna waa caadi.”
Olhats ayaa sheegay in PSG aysan dib u soo cusbooneysiinin xiisahoodii xagaagii hore, waxaana uu meesha ka saaray inuu u wareegayo kooxda deriska ah ee Real Madrid.
0 comments:
Post a Comment