WARAKA SAAKEY & SUUQA KALA IIBSIGA: Chelsea, Joe Hart , Manchester United , Mourinho & Waxyaabaha Ugu Muhiimsan Suuqa

Subax wanaagsan dhamaan aqristiyaasheena kusoo dhowaada wararkii ugu dambeeyey saakey suuqa kala iibsiga ciyaartooyda.

Kooxo waa weeyn oo ka dhisan qaarada Yurub ayaa damacsan inay xidigo wada qaataan halka kuwa kale aan kooxohooda ku qanacsaneeyn.

Kooxda Real Madrid  ayaa damacsan inay iska iibiso ciyaaryahankeeda James Rodriguez kaasi oo lala xiriirinayo kooxda Manchestetr United , si ay u helaan David DeGea Do Balon

Weeraryahanka kooxda Real Madrid Alvaro Morata ayaa warar kala duwan kasoo baxayaan mustaqbalkiisa waxaana la sheegayaa in xidigaan uu ka tegidoono La Liga , sidoo kale uu kooxo kale iska aadidoono maadaama aan boos joogta ah lasiin.AS

Si walba kooxda Atletico Madrid weeraryahankeeda Antonio Griemann ayaa ku biiridoono Manchester United haddii Jose Mourinho uu kooxda usoo saaro Champions League.Sundey Mirror.

Manchester City ayaa aqbalidoonta Jose Hart inuu ku biiro kooxda ay xifaaltamaan ee Manchester United waa haddii ay Manchester United diyaar ka tahay £31m(Sunday Mirror)

Macalinka kooxda Manchester City Pep Guardiola ayaa lagu soo waramayaa inuu doonayo inuu soo qaato Virgil van Dijk oo daafaca ka ciyaara waxana uu damacsanyahay in xidigaan uu kooxda kasoo qaato.Sundey Star.

Chelsea ayaa wali dooneysa inay soo qaadato ciyaaryahanka kooxda Monaoc Tiemoue Bakayoko kaasi oo sidoo kale doonayaan Bayern Munich iyo Juventus.Mail On Sundey.

Read More

Kooxda Arsenal ayaa xiiseeyneysa soo qaadashada ciyaaryahanka ay aad u bartilmaameeysaneyso kooxda Manchester City ee Virgil van Dijk.

Xidigaan ayaa laga yaabaa in kooxda Southampton laga soo iibsado waxaana ciyaaryahankaan macquul ah inuu kooxdiisa wax badan ka caawiyo balse sida ay wax ku socdaan waxaa uu u muuqdaa ciyaaryahan lala wareegidoono.

Daiy Star ayaa waraneysa in xidigaan u dhashay wadanka Dutch uu wada hadal la fureen labada kooxood ee aadka u doonayaa inay la wareegaan

Virgil van Dijk ayaa sidoo kale xiiseynayaan kooxaha kala ah Liverpool iyo kooxda Evrrton waxaana y doonayaan in xidigaan ay qaataan waa haddii ay Southamton iibineysa , suuq fiican ayaana ka dhaxeeya labadaan kooxoood.
Arsenal iyo Manchester City ayaa dagaalka ugu xoogan dhexmaridoonaa waxaana labadaan koxood ay u baahanyahanyihiin dilaa sida Virgil van Dijk.
Virgil van Dijk ayaan rajeeyndoonin inuu ciyaaro markale xilli ciyaareedkaan maadaama dhaawac dhanka lugta uu qabo.
Xidigaan waxaa uu kooxdiisa diyaar u noqondoonaa bisha August markaas oo furan suuqa kala iibsiga ciyaartooyda.

Read More

SUUQA: Jose Mourinho Ma Quusto ”Dib Ayuu Ugu Laabtay Wada Hadalka Ciyaaryahanka Monaoc U Sharaxa Kubadaha

Kooxda Manchester United ayaa dib ugu soo laabatay loolanka iyo sidoo kale dagaalka ay ugu jirtay kubadsameeyaha kooxda Monaco Bernardo Silva.

Sundery Express ayaa ku warameysa in kooxda Monaco oo hada joogta Semi Finalka Champions League ay ku adkaaneyso inay fasaxdo xidigeheeda muhiimka ah waxaana ay kooxdaan qaab ciyaared cajiib ah ku qaadaneysaa Champions League

Xidigo muhiim ah oo daafacyada iyo sidoo kale khadka dhexe ka ciyaaraan ayaa kooxdaan laga soo dalbaday waxaana kamid ah in kooxo waa weeyn ay damacsanyihiin inay soo qaataan ciyaartooda kooxda.

Read More

Man City Oo Ka Dayrisay Dhaawaca Goolhaye Bravo , Maxuu Tababare Pep Ka Yiri ?.

Goolhayaha Man City ee Claudio Bravo ayaa laga yaabaa in uu kooxdiisa uga maqnaado dhaawac inta ka harsan xilli ciyaareedkaan .

Laacibkaas ayaa ku dhaawacmay kulankii xalay Man City ee horyaalka ka dib markii uu muruqa booday xilli uu kubad bad-baadinayay.

Macalin Pep ayaa yiri ” ma aqaan in goolhaye Bravo xilli ciyaareedkaan uu nala sii joogayo ,saacadaha soo socda ayaan arkeynaa xaaladdiisa”.

Dhaawaciisa waa muruqa balse in uu todobaadyo maqnaanayo waa ay u badan tahay” ayuu sii raaciyay tababare Pep .

“Ma aqaan in xilli ciyareedkaan inta ka harsan uu nala sii joogayo” ayuu yiri macalin Pep

Goolhayahas ayaa dhaawacmay daqiiaaidi 78 -aad waxa uuna garoonka ka baxay daqiiqaddii 79-aad

Read More

It's POSSIBLE! ● Zlatan Ibrahimović - Motivational Video

Read More

Lionel Messi - Motivational Video 2017 - Never Give Up

Read More

Cristiano Ronaldo - DEDICATION | Motivational Movie

Read More

XAQIIQ: Tatikada 3-4-3 Oo Horyaalka Premier Leaque-ga Ku Sii Xoogaysanaysa Iyo Arsenal Oo Noqotay Kooxdii 17 Aad Ee Xili Ciyaareedkan Garoonka La Soo Gashay Shaxdan.

Waxaa horyaalka Premier Leaque-ga si layaableh ugu sii xoogaysanaysa shaxda 3-4-3 oo ah saddex difaac ah, afar dhex ah iyo saddex weerar ah oo waliba laba ka mid ah afarta khadka dhexe ay isku qabanayaan difaacasho iyo weerar dhisid. Shaxdan ayaa ahayd tatikadii uu Antonio Conte ku badbaadiyay Chelsea markii ay laba guuldaro oo waa wayn kala kulantay kooxaha Liverpool iyo Arsenal ee horaantii xili ciyaareedkan.

Laakiin inkasta oo ay Chelsea ahayd kooxda shaxdan inta ugu badan soo isticmaalaysay haddana waxaa jiray kooxo badan oo ku soo ciyaaray shaxda 3-4-3 waxaana ugu danbaysay Arsenal oo kulankii Middlesbrough uu Arsene Wenger shaxdan tijaabiyay muddo 20 sano ka badan oo uu Gunners maamulayay. Waxayna Arsenal noqotay kooxdii 17 aad ee isticmaashay shaxdan.

Waxaa jira qaabab tiro badan oo ay tababarayaashu u safaan kooxahooda balse waxay u muuqataa in shaxda 3-4-3 ay noqonayso mid si wayn u soo koraysa. Koobkii aduunka ee 2014 kii macalinkii xulka qaranka Netherlands ee Louis Van Gaal ayaa wacdaro ku dhigay in uu saddex difaac ah ku soo bilaabayay shaxdiisa wuxuuna isticmaaliyay 3-1-4-2 ama 3-4-1-2, waxanaa markasta shaxdiisa sal dhig u ahaa saddex difaac ah.

Habeenadii isniintii in Arsene Wenger uu shaxda saddexda difaac ah isticmaalay ayaa ka dhigtay kulankii 112 aad ee kooxaha Premier Leaque-gu ay xili ciyaareedkan garoonka ku soo galaan shax saddex difaac dhexe ku soo wada bilawdeen balse waxaa jiray kala duwanaasho mararka qaar ay kooxaha qaar shan difaac ah ku soo galeen. Ka hor October 1,2016 waxay kooxaha PL shaxdan isticmaaleen 10 kulan oo kaliya halka kadib October 1,2016 ilaa isniintii ay isticmaaleen 102 jeer.

Saddex kooxood oo kaliya ayaan xili ciyaareedkan isticmaalin shax saddex difaac ahi ku soo bilawdeen waxayna kala yihiin Swansea City, Southampton iyo West Brom laakiin 17 ka kooxood ee kale ayaa ugu yaraan hal kulan ama wax ka badan garoonka la soo galay shax ay saddex difaac dhexe ku soo bilawdeen.

Laakiin Chelsea ayaa hogaaminaysa kooxda ugu isticmaalka badan shaxda 3-4-3  oo 26 kulan uu Conte la soo shirtagay shaxdan,waxaana ku soo xigta kooxda Watfrod oo 17 kulan tatikadan ku soo ciyaartay. Kooxaha Hull City, West Ham, Tottenham iyo Everton ayaana ku soo xiga sida ay u kala horeeyaan.

Read More

Wargeysyada Spain & Kuwa Talyaaniga Oo Siyaabo Kala Duwan Uga Hadlay Mucjisadii Laga Filayay Camp Nou Ee Ay Fashilisay Juventus.

Juventus ayaa soo bandhigtay awood dheeri ah oo dhanka difaaca ah kadib markii ay tartanka ka reebeen Barcelona, waxaana xusid mudan kooxda ka dhisan Turin ay shabaqeeda ka difaacdeen Balaugrana labadii kulan ee quarter finalka.

Wargeysyada Talyaaniga cinwaanka ugu saameynta badnaa wuxuu ahaa midka uu soo daabacay Corriere dello Sport kaas oo u qornaa: “Waad Ka Ooyiseen” xilli ay soo qaateen sawirka Neymar Junior oo oynaya sidoo kalana uu sabarsiinayo saaxiibkiisa qaranka Brazil – Dani Alves.

Lionel Messi ayaa u muuqday midka kaliya ee ku shaqeynayay xeeladda Luis Enrique, wuxuuna ahaa kan ugu dadaalka badan ciyaartoyda Balaugrana inkastoo uu xalay ku sigtay inuu qoorta ka jabo.

Labada wargeys ee kasoo baxa dalka gobolka Catalan [Sport iyo Mundo Deportivo] waxeyna si sharaf leh u sagootiyeen Barcelona.

“Nabad Galyo Adinkoo Sharfan” Ayey Sport iyo Mundo Deportivo kusoo qoreen bogga hore wargeyskooda cadadkii maanta iyagoo kala adeegsaday sawirada Luis Suarez iyo Neymar

Dhanka kale wargeysyada Madrid waa kuwa inta badan ku hawlan iney dhanka kale u rogaan wax walba oo ku dhaca Barcelona, waxeyna farxad ku dareemayaan iney joogaan Atletico iyo Real, sidoo kalana Barcelona la reebay.

AS Iyo Marca oo ah labada wargeys ee kasoo baxa caasimadda ayaa bogga hore kusoo qoray, qajilaad ka dhan ah Barca.

AS ayaa bogiisa hore kusoo qoray: “Lama Filaan” & “Burbur” wuxuuna adeegsaday sawirka Lionel Messi xilli uu si xun dhulka ugu dhacay.

Sidoo kale Marca ayaan u nixin wixii ku dhacay Barcelona waxeyna bogooda hore kusoo qoreen: “Afar Kubad & Tacsi” dabcan waxey kala jeedaan in Barcelona ay u taalo tacsi halka kooxaha Madrid ay ka mid yahiin afarta kubad ee isku aadka Semi Finalkiisa marka la sameynaayo lakala furi doono.

Read More

Wenger Oo Iska Diiday Kante, Morata Oo Doonaya Chelsea & Wararkii Ugu Dambeeyay Suuqa Kala Iibsiga Ciyaartoyda.

Daafaca PSG Serge Aurier kaas oo 24-jir ah ayaa u sheegay Jose Mourinho inuu doonayo ka ciayarista garoonka Old Trafford. (L’Equipe)

Kooxda ku cusub horyaalka mareykanka ee Los Angeles FC ayaa ka dalban doonta Ibrahimovic oo 35-jir ah heshiis ku kacaya 5 Malyan oo Pound sanadii, sidoo kalana uu dooq u heysto inuu amaah ku aado Man United ama kooxaha kale ee yurub. (Daily Mail).

Real ayaa dooneysa iney rikoorka goolhayaha ugu qaalisan iyadoo 60 Malyan oo Pound miiska u saari doonta United si ay kaga hesho David De Gea. (The Sun)

Weeraryahanka Real Madrid Alvaro Morata kaas oo 24-jir ah ayaa ka careysan waqti la’aanta ku heysata Santiago waxaana lagu soo waramayaa iney xiiseyneyso Chelsea. (Diario Gol).

Chelsea ayaa ka cabsi qabta in weeraryahankooda reer Spain Diego Costa uu aado China madama loo soo bandhigay mushaar dhan 650,000 kun todobaadkii. (Mirror).

Tababare Arsene Wenger ayaa lagu soo waramayaa inuu iska diiday fursad uu kula saxiixan karay N’Golo Kante oo 26-jir ah iyo Thomas Lemar oo 21-jir ah kuwaas oo uu ku wada heli karay 12.6 Malyan oo Pund laba sano ka hor. (The Sun).

Read More

Miyuu Pep Guardiola Xalay Daawaday Barcelona Oo Ku Hareysa Camp Nou? Halkee Ayuuse Waqtigiisa Ku Qaatay?

Tababare Pep Guardiola ayaa go’aansaday inuusan aadin gobolka Catalan si uu u daawado kooxdisii hore ee Barcelona oo xalay lagu reebay garoonka Camp Nou markii ay barbaro gool la’aan ah la galeen Juventus oo lugtii hore 3-0 kusoo xasuuqday kulankii Turin.

Pep oo hesytay waqti fasax ah oo uu ku aado Barcelona ayaan sidaas sameynin wuxuuna waqti ku qaatay maqaayadda caanka ah ee Tapeo and Wine oo uu leeyahay aabaha dhalay Juan Mata, sidoo kalana waa maqaayad ay aad u doorbidaan ciyaartoyda Man United iyo Man City.

Kadib waqtigii uu ku qaatay baarka aabaha Juan, wuxuu aaday Revolucion de Cuba halkas oo uu kula kulmay qaar ka mid ah shaqalaahiisa tababarka.

Pep Guardiola ayaan aadin kooxdiisii hore, sidoo kalana waxey aheyd fasaxii ugu dambeeyay oo uu heystay ka hor inta uusan wiilashiisa tababarka kula kulmin maanta ama berito [jimco] ah si ay isugu diyaariyaan kulanka adag ee Arsenal kana tirsan Semi finalka FA Cup.

Read More

Arsenal Oo Waayi Karta Alexandre Lacazette Iyada Oo Kooxaha Atetletico Madrid Iyo Borussia Dortmund Ay Sare U Qaadeen Xisaha Ay U Hayaan Xidiga Ree France.

Arsenal ayaa bartilmaameedka kowaad ka dhiganaysa gool dhaliyaha kooxda Lyon iyo xulka qaranka France ee Alexandre Lacazette wuxuuna waqti dheer soo ahaa xidig uu Arsene Wenger in badan ka doonayay Emarites Stadium.  Laakiin markale Arsene Wenger ayaa waaji kara xidig muhiim ah oo kooxdiisa bartilmaameedka kowaad u ah iyada ookooxaha Borussia Dortmund iyo Atletico Madrid ay sare u qaadeen xiisaha ay ku doonayaan Alexandre Lacazette.

Sababta ugu wayn ee ay Arsenal ku waayi karto saxiixa Alexandre Lacazette ayaa ah haddii uu u soo bixi waydo tartanka kooxaha Yurub ee Champions Leaque-ga wuxuuna si wayn u doonayaa in uu iskaga baxo kooxdiisa Lyon oo xili ciyaareedkan ka tartamaysa Europa Leaque-ga  wuxuuna doonayaa in uu ka ciyaarto Champions Leaque-ga.

Arsenal ayaa doonaysa in ay dhamaadka xili ciyaareedkan suuqa la gasho 200 milyan oo gini iyada oo waliba doonaysa in ay 100 milyan ka soo saarto ciyaartoy kooxdeeda ka tirsan oo ay iska iibinayso balse waxaa halka ugu saraysa kaga jira liiska ciyaartoyda ay doonayso gool dhalyaha Lyon isku muujiyay ee Alexandre Lacazette.

Laakiin iyada oo Manchester United doonaysa saxiixa Antoine Greizmann ayay Ateltico Madrid doonaysaa in haddii uu Griezmann kooxdeeda ka baxo in ay badalkiisa ka dhigato Alexandre Lacazette taas oo Arsenal ku qasbi karta in ay seegto xidig waqti dheer bartilmaameed u soo ahaa balse sidoo kale kooxda Borussia Dortmund oo kooxaha waa wayn si sahlan ugu garaacda saxiixyada xidigo muhiim ah ayaa tartanka dhinaceeda kaga jirta.

Read More

Hordhac: Barcelona v Juventus – Bluagrana Ma Sameyn Doontaa Soo Laabasho Kale Oo Mucjiso Ah Xilli Juventus Ay Hal Lug Kula Jirto Semi-finalka Champions League?

• 

  Kulanka: Barcelona v Juventus

• Garoonka: Camp Nou

• Lugtii hore: Juve 3-0 Barca

• Waqtiga: 9:45pm Saacada Geeska Afrika

• Garsoore: Bjoern Kuipers (Netherlands)

Kooxda Talyaaniga ee Juventus ayaa hal lug kula jirta semi-finalka Champions League ka dib markii ay 3-0 ku soo xaaqday lugtii hore ee wareega 8da kooxda Barcelona kulankii ka dhacay Juventus Stadium.

Barcelona oo wareega 8da u soo gudubtay ka dib markii ay soo laabasho rikoor ah ka sameysay guuldaradii 4-0 ee ka soo gaartay PSG ayaa mar kale isku dayi doonta caawa inay soo laabasho kale oo lama filaan ah sameyso laakiin waxaa hortaala howl culus madaama Juve ay aad uga duwan tahay kooxda Faransiiska.

Kooxda Catalans ayaase niyada ku dhisanaya in 15 kulan oo isku xigta oo tartamada Yurub ah ay ku badiyeen garoonkooda.

Barcelona waxa ay u baahan tahay inay dhaliso seddex gool oo bilaa jawaab si ay u barbareeyaan Juve. Waana xisaab aan laga baxsan karin. Laakiin su’aasha is weydiinta leh ayaa ah Barcelona ma awoodi doontaa in soo laabasho kale oo mucjiso ah ay sameyso markii labaad waqti gaaban gudaheed, gaar ahaan iyagoo la ciyaaraya kooxda heysata horyaalka adag ee Serie A?

MAXAA KA CUSUB?

Kooxda Barcelona waxaa ka maqan kulanka caawa xiddigaha Rafinha iyo Aleix Vidal oo dhaawacyo jilibka iyo canqowga qaba. Sidoo kale waxaa shaki ku jiraa taam ahaanshahooda xiddigaha kala ah Arda Turan, Mascherano iyo Mathieu.

Dhanka kooxda Juventus waxaa dhaawac jilibka ah kaga maqan Pjaca, halka Paulo Dybala uu taam u yahay inuu ku soo bilowdo kulanka caawa.

Haddii Barcelona ay mar kale sameyso lama filaanka oo ay u soo gudubto semi-finalka waxaa halis ugu jira inay seegaan lugta hore xiddigaha kala ah Neymar, Pique, Rakitic iyo Suarez oo hal jaale u jira inay ganaax la kulmaan.

Dhanka kooxda Juventus oo haatan hal lug kula jirta semi-finalka waxaa hal jaale u jira inay seegaan lugta hore ee wareega afar dhamaadka xiddigaha kala ah Cuadrado, Mandzukic iyo Sami Khedira.

SHAXDA MACQUULKA AH:

Barcelona: Ter Stegen; Mascherano, Piqué, Umtiti; Rakitić, Busquets, Iniesta, Sergi Roberto; Messi, Luis Suárez, Neymar.

Juventus: Buffon; Dani Alves, Bonucci, Chiellini, Alex Sandro; Pjanić, Khedira; Cuadrado, Dybala, Mandžukić; Higuaín

Read More

Waxey Aheyd Dhac, Mahadsanid Garsoore” & Hadaladii Ay Ribery, Thiago, Robben & Vidal Kaga Hadleen Go’maadii Garsoore Ee Xalay.

Bayern Munich ayaa si daran loogu reebay garoonka Santiago Bernabeu markii 4-2 guuldaro ah ay kala kulantay kooxda Real Madrid kulan ka tirsan Champions League, wareegiisa quarter final-ka lugtiisa labaad.

Arturo Vidal ayaa laga saaray kulanka ka hor inta aysan ciyaarta waqtiga loogu tala-galay ku dhamaan 2-1, taasoo keentay in waqti dheeri ah loo baahdo, balse Ronaldo ayaa dhameytiray sadexley ka hor inta uusan wiilka reer Spain Asensio ku xumeynin xaalada Bavaria.

Si kastaba go’aankii casaanka lagu siiyay Vidal kaas oo aan u muuqan inuu qalad galay iyo go’aamadii ay ku dhasheen labada gool ee Ronaldo kuwaas oo dilay ciyaarta ayey aad uga caroodeen ciyaartoyda Bayern Munich kuwaas oo sheegay in la dhacay.

“Haa, waad garaneysaa fikradeyda, waa ceeb sababtoo ah waxaad daawaneysay kulan weyn” ayuu yiri Robben oo la weydiiyay hadii kooxdiisa la dhacay.

“Qof walba oo aduunka ah ayaa daawanayay kulanka labadaan kooxood ee waaweyn kuwaas oo ay garoonka ugu jireen ciyaartoy waaweyn”

“Waxey aheyd farxad in la daawado. balse kulan nuucaas ah waxaa go’aamiyay go’aano ka yimid garsooraha. ma jecli inaan ka hadlo garsoorka balse waa inaad mar walba adigu fiiriso qaladka aad sameysay iyo shaqada aad sida qaldan u qabatay, kiiskaan ma aheyn mid qura, waxey ahaayeen in ka badan, go’aanadaas ayaana go’aamiyay kulanka”

Dhanka kale Vidal ayaa isna ka hadlay wixii xalay dhacay wuxuuna yiri: “marka ay kulmaan laba kooxood oo waaweyn ku kulmaan Champions League, dhaca nuucaan ah ma dhaco”

Thiago Alcantara wuxuu qabaa in qaladka sida loo sahlanayo uusan aheyn isla markaana kaliya aan la dalban VAR ee tayada garsoorayaasha laga warqabo.

“Kaliya maahan in la keeno VAR” ayuu yiri Thiago, “Waa iney halkaan joogaan garsoorayaal u qalma”

Ugu dambeyntiina Franck Ribery ayaa si xun bartiisa bulshada ee Instagram-ka ugu galay garsoore Victor Kassai, xidigii hore Marsielle wuxuu soo dhigay bartiisa bulshad sawirka labada gool ee Ronaldo oo u muuqday kuwo offside ah wuxuuna kusoo qoray.

Dhanka kale Vidal ayaa isna ka hadlay wixii xalay dhacay wuxuuna yiri: “marka ay kulmaan laba kooxood oo waaweyn ku kulmaan Champions League, dhaca nuucaan ah ma dhaco”

Thiago Alcantara wuxuu qabaa in qaladka sida loo sahlanayo uusan aheyn isla markaana kaliya aan la dalban VAR ee tayada garsoorayaasha laga warqabo.

“Kaliya maahan in la keeno VAR” ayuu yiri Thiago, “Waa iney halkaan joogaan garsoorayaal u qalma”

Ugu dambeyntiina Franck Ribery ayaa si xun bartiisa bulshada ee Instagram-ka ugu galay garsoore Victor Kassai, xidigii hore Marsielle wuxuu soo dhigay bartiisa bulshad sawirka labada gool ee Ronaldo oo u muuqday kuwo offside ah wuxuuna kusoo qoray.

Read More

Boqorka Yurub! Cristiano Ronaldo Oo Dhigay Labo Rikoor Cusub Ka Dib Seddexleydii Uu Xalay Ka Dhaliyay Bayern Munich Ee Champions League

Cristiano Ronaldo ayaa xalayto noqday ciyaaryahankii ugu horeeyay ee taariikhda koobka Champions League ee gaara 100 gool, waana rikoor cusub oo lagu diiwaangeliyay buuga taariikhda koobka kooxaha horyaalka Yurub.

Cristiano Ronaldo ayaa seddexleey ka dhaliyay kooxda Bayern Munich xalayto kulankii ay Real Madrid ku xaqiijisatay inay u soo baxday wareega afar dhamaadka koobka Champions League.

Waxaana ay taasi ka dhigneyd inuu Ronaldo markii labaad rikoor cusub dhigay, iyadoo kulankii lugta hore ee Munich labadii gool ee uu dhaliyay uu ku noqday xiddigii ugu horeeyay ee gaara 100 gool tartamada kooxaha Yurub oo dhan.

Laakiin xalayto waxa uu dhigay rikoor u qaas ah Champions League isagoo noqday xiddigii ugu horeeyay ee tartankaan ka dhaliya 100 gool, waxaana ay ku qaadatay inuu ku dhaliyo 137 kulan.

Waxaa ku soo xiga Lionel Messi oo dhaliyay 94 gool, halka halyeeygii Real Madrid Raul uu weli ku jiro kaalinta seddexaad isagoo leh 71 gool. Waana goolasha laga dhaliyay Champions League laga soo bilaabo wareega group-yada ilaa iyo finalka kuma jiraan goolasha kulamada isreebreebka ee ka horeeya wareega group-yada.

Rikoorka gooldhalinta Champions League:

1. Cristiano Ronaldo – 100 (137 kulan)

2. Lionel Messi – 94 (114)

3. Raúl González – 71 (142)

4. Ruud van Nistelrooy – 56 (73)

5. Karim Benzema – 51 (91)

6. Thierry Henry – 50 (112)

Dhanka kale goolashii seddexda ahaa ee uu xalayto Cristiano Ronaldo ku dhaliyay Bernabeu ayaa iyagana noqday rikoor cusub isagoo noqday xiddiga ugu goolasha badan kulamada Bernabe ee Real Madrid, isagoo garoonka kooxdiisa ku dhaliyay 213 gool, waxaana uu rikoorkaas ka qaaday Alfredo di Stefano oo garoonka Los Blancos ku dhaliyay 210 gool.

Rikoorka Goolasha Bernabeu:

1. Cristiano Ronaldo – 213 gool

2. Alfredo di Stefano – 210 gool

3. Santillana – 209 gool

4. Raul – 206 gool

Read More

DAAWO:Raacashadii Hererra Ee Hazard Oo Lagu Najaxay.

Read More

CHASING YOUR PURPOSE - 2017 Motivational Video

Read More

Inter Iyo Ac Milan Oo Barbaro Ku Kala Baxay Kulankii Derby della Madonnina Xilli Zapata Uu Waqtigii Dhimashada Guuldaro Ka Badbaadiyay Kooxdiisa.

Afar gool oo ay kala dhaliyeen Mauro Icardo iyo Antonio Candreva (Inter Milan), Alessio Romagnoli iyo Christian Zapata (Ac Milan) ayaa barbaro kusoo dhameeyay kulankii xiisaha lahaa ee dhexmaray kooxda Inter Milan iyo Ac Milan ee Derby dello Medoninna.
Waa darbigii labaad ee xilli ciyaareedkaan, balse labada kulanba natiijo isku mid ah iyo goolal isku mid ah ayaa lagu kala baxay (2-2) ayaana labada kulanba lagu kala baxay iyadoo Candreva uu noqday ciyaariyahankii ugu horeeyay ee labada kulan ee kulankaan goolal ka dhaliya tan iyo 2011/2012.
Ac Milan ayaa dar-dar ku bilowday ciyaarta inkastoo weeraradii ay bilowgii sameysay ay ahaayeen kuwo aysan natiijo ka keenin.
HALIS! Inter Milan ayaa daqiiqad waali ah gashay kadib markii Milan ay weerar culus ku qaaday goolka Handanovic iyadoo Matias Fernandez uu ka faa’ideystay qalad uu galay da’yaka Gagliardini.
Si fiican ayey u abuureen, balse Deulofeu, Bacca iyo Fernandez ayaa ku fashilmay iney gool u badalaan waxaana ka hor yimid daafac adag daqiqiadi 2-aad ee ciyaarta.

Joao Mario ayaa si qurux badan uga xariiftamay laba ka mid ah ciyaartoyda Milan, ka hor inta uusan kubad lasoo galin xerada ganaaxa, si fiican ayuu isugu dayay inuu ugu gudbiyo Icardi, balse De Sciglio ayaana ka saaray daqiiqadii 7-aad ee ciyaarta.
HALIS! Suso iyo Deulofeu ayaa daqiiqad dhib badan galiyay iyadoo Handanovic uu muujiyay sida uu u yahay badbaadiyaha kooxda madama uu kubad meel dheer laga soo toogtay ka badbaadiyay Sosa ka hor inta uusan Deulofeu birta ku garaacin kubad uu diilinta ku jirayn daqiiqadii 15-aad.
GOAL! Daqiiqadii 36-aad – Antonio Candreva ayaa hogaanka u dhiibay Inter Milan kadib markii uu si wacan u dhameystiray kubad uu meel dheer ka caawiyay Roberto Gagliardini, waana goolkiisii labaad ee uu ka dhaliyo Milan hal xili ciyaareed gudaheeda.

Candreva ayaa noqday ciyaariyahankii ugu horeeyay ee Inter Milan ah kaas oo goolal ka dhaliyay Milan kulamada Derby de Milan hal xili ciyaareed gudaheed tan iyo Diego Milito oo sidaas sameeyay 2011/2012.
GOAL! Daqiiqadii 44-aad – Mauro Icardi, Inter Milan ayaa weerarkii labaad oo gaadmo ah gool ku heshay, waxaana si fiican iskula jaan qaaday Icardi iyo Perisic, ugu dambeyntii Ivan ayaa kubad mel fudud ka siiyay Icardi oo si fudud kubad shabaqa ugu shubay.
Qeybtii hore ciyaarta ayaa lagu kala maray 2-0 oo ay ku hogaamineyso kooxda Inter Milan, inkastoo Ac Milan ay aheyd kooxda mar walba gacan sareysay hadana wiilasha Pioli ayaa waaya aragnimo hogaanka ku qabtay.
Inter Milan ayaa lasoo baxday dar-dar culus qeybtii labaad waxeyna bilowgiiba cadaadis saareen goolka Milan, Ivan Perisic ayaana qasaariyay fursadii ugu fiicneed ee Inter markii uu kubad ka helay Icardi isagoo ku sugan xerada, balse kubadii uu goolka aadiyay waa laga beeniyay.
HALIS! Deulofeu garabka Milan ayaa sameyay isku day uu ku beegsaday goolka Inter, markii uu kubad awood leh ka toogtay banaanka xerada ganaaxa, balse Handanovic ayaana ka beeniyay.
GOAL! Daqiiqadii 83-aad Alessio Romagnoli ayaa soo celiyay rajada Ac Milan daqiiqadii 83-aad ee ciyaarta markii uu si fiican uga faa’ideystay kubad uu dhinaca kasoo qaaday Suso.
Ac Milan ayaa sameysay dadaal dheer oo ay ku doonayaan iney helaan goolka barbaraha balse ugu dambeyntii wey heleen goolkii ay raadinayeen.
GOAL! Daqiiqadii 90+ Christian Zapata ayaa dhaliyay goolka barbaraha ee kooxda Ac Milan daqiiqadii ugu dambeysay iyadoo goolkaas lagu xaqiijiyay Goal Line Technology.
Natiijada ciyaarta ayaana kusoo dhamaatay barabro 2-2 ah si la mid ah kulankii hore ee dhacay bishii November.
Waxba iskama badalin dhanka kala sareynta labada kooxood walina Milan ayaa 2-dhibcood ka sareysa Inter Milan madama (Ac) ay leedahay 58-dhibcood, halka Inter ay leedahay 56-dhibcood.

Read More

Shaqsigii Ka Dambeeyay & Go’aankii Ay Manchester City Ku Diiday Saxiixa Paulo Dybala Kulana Soo Wareegtay Wilfried Bony.

Manchester City ayaa fursad u heshay iney lasoo saxiixato da’yarka Juventus iyo qaranka Argentina Paulo Dybala laba sano ka hor, kaliya 30 Malyan ayeyna kula saxiixan kareen inkastoo ay ugu dambeyntii go’aansadeen iney la saxiixdaan Wilfried Bony.
23-jirka heerka caalami ayaa burburiyay Barcelona kulanka lugta hore wareega quarter finalka Champions League markaas oo kooxdiisa Juve ay 3-0 ku dubatay Balaugrana, balse Manchester City waxey lumisay fursad dahabi ah oo ay ku heli kareen xidigii hore Palermo 2015.

Wuxuu mar walba saxaafadda la wadaagi jiray in Barcelona iyo Manchester City ay yahiin labada kooxood oo uu ku riyoodo.

Dhawr jeer ayey Manchester City wakiilo u dirtay Dybala oo lagu tilmaami jiray Aguero-ha cusub isagoo Italy yimid 2012.
Agaasimaha ciyaaraha kooxda Citizens Txiki Begiristain ayaa lagu amray inuu lasoo saxiixdo Paulo Dybala, balse wuxuu ka doortay Wilfried Bony isagoo aaminsan inuu leeyahay awood uu kaga baxsado horyaalka Premier League-ga sidoo kalana City ka caawin kara iney difaacato horyaalka.
Si kastaba Paulo Dybala wuxuu waqtigaas 30 Malyan oo Pound ugu wareegay Juventus, balse haatan waxaa lagu qiimeeyaa lacago aan ka yareyn 80 Malyan oo Euro madama uu laba sano oo hormar ah sameeyay.
Ugu dambeyntiina Txiki Begiristain ayaa ilaa iyo hadda lagu eedeeyaa inuu sameeyay doorasho qaab daran madama Bony uu haatan amaah ku jiro Stoke City.

Read More

Miyuu Robert Lewandowski Diyaar U Yahay Kulanka Lugta Labaad Ee Quarter Finalka Champions League?

Weeraryahanka reer Poland ee kooxda Bayern Munich Robert Lewandowski ayaa seegay kulankii lugta hore wareega quarter finalka Champions League markaas oo kooxdiisa ay 2-1 guuldaro ah kala kulantay Real Madrid.
Lewy dhaawac garabka ah ayaa soo gaaray kulankii Dortmund taasoo seejisay inuu kasoo muuqdo kulankii dhacay arbacadii, balse markaan wuxuu diyaar u noqon doonaa kulanka lugta labaaad markaas oo 19-ka April la isugu imaan doono Estadio Santiago Bernabeu.
Carlo Ancelotti ayaan ka rajo dhigin inuu helo daafaciisa Mats Hummels iyo sidoo kale Robert Lewandowski.


“Waxaan heysanaa lix maalmood, sidaas darteed waxey ila tahay iney labada ciyaartoy kusoo kabsan karaan” ayuu yiri macalinka reer talyaani isagoo la hadlayay Bild.
Dhanka kale weeraryahankii hore Dortmund mar walba wuu ku niyadsan yahay inuu soo laabto kulanka Madrid ka dhici doona.
“Kulanka Madrid, waan soo laaban doonaa” ayuu yiri Lewy.
“Xanuunka wuu darnaa inyar, waanan sababta aanan u ciyaarin lugta hore, taxadar ahaan” ayuu hadalkiisa kusoo afjaay Lewy.

Read More

Lionel Messi Oo Labo Gool Kaliya U Jira Rikoor 500 Gool Ah Xilli Ay Barcelona Ay Wajaheyso Juventus & Real Madrid

Xiddiga kooxda Barcelona Lionel Messi ayaa qarka u saaran inuu mar kale isku qoro taariikhda kooxda Barcelona, isagoo noqonaya xiddigii ugu horeeyay ee 500 gool u dhaliya Blaugrana kulamada tartamada rasmiga ah.
Xiddiga Barcelona ayaa haatan u dhaliyay kooxdiisa 498 gool, iyadoo 400 oo ka mid ah uu ku dhaliyay cagtiisa mucjisada ah ee bidix.

Messi ayaa dhalin kara goolashiisii 500aad ee Barcelona isbuuca muhim ah.

Goolkiisii ugu horeysay ee kooxda waxa uu ka dhaliyay kooxda Albacete kulan ka dhacay Camp Nou 1dii bishii May 2005: “Anigaa caawiye ka ahaa, waana waqtigii ay halyeeynimadiisa bilaabatay” ayuu yiri Ronaldinho maalmo ka hor.
Messi ayaana kooxaha ka horimaanayay ku harqiyay goolal isagoo tan iyo markaas dhaliyay 497 gool kale, waxaana ay goolashiisa isagu jiraan kuwa noocyo badan oo farshaxan ah.
Xiddiga Barcelona ayaa rajeynaya inuu gaari karo goolashiisii 500aad isbuuc muhim u ah kooxda Catalans, habeenka Arbacada waxa ay isku dayi doonaan inay ka soo laabtaan guuldaradii 3-0 ee ka soo gaartay Juventus lugtii hore ee wareegii sideed dhamaadka ee Champions League.

Read More

Karim Benzema Muxuu Ka Yiri Wararka Kooxdiisa Real Madrid La Xiriirinaya Eden Hazard?

Weeraryahanka Real Madrid Karim Benzema ayaa aaminsan in dhaqaaqa ay kooxdiisa u sameyneyso ciyaariyahanka Chelsea Eden Hazard ay tahay talaabo wanaagsan isla markaana xidigaan herka caalami ee qaranka Belgium uu saxiix wacan u noqon lahaa kooxda difaacaneysa koobka horyaalada yurub.

Hazard ayaa si daran loola xiriirinayaa kooxda Real Madrid xilli xidigaan uu kooxdiisa ka saaciday iney noqoto midda ugu sareysa horyaalka Premier League oo haatan maraya waqtiyadiisii ugu dambeeyay.

Si kastaba xidigii hore Lille ayaa dhaliyay 14-gool sidoo kalana wuxuu caawiyay 5-gool kulamada horyaalka, Los Blancos ayaana dooneysa iney bangiga u jabiso xagaaga soo aadan.

“Hazard waa ciyaariyahan aad u fiican, Maxaan dhihi karaa?” Ayuu Benzema u sheegay Telefoot.

“Ma aanan arkin wararka xanta ah, balse sida iska cad wuxuu noqon karaa saxiix fiican” Ayuu mar kale yiri xidigii hore Lyon.

Real Madrid haatan waa kooxda ugu sareysa La Liga iyadoo 3-dhibcood ka sareysa Barcelona kuna darso iney kulan baaqi ah heysato.

Read More

Haddii Vincent Kompany Uu Si Joogto Ah Qayb Uga Soo Ahaan Safka Kooxda Guardiola Ee Man City, Waxay Xili Ciyaareedkan U Tartami Lahaayeen Koobka Premier Leaque-ga.

Xidigii hore kooxda Liverpool  iyo xulka qaranka England ee Steven Gerrard ahna falaqeeye ka howl gala shabakada BT Sport ayaa qiray in maqnaanshiyaha Vincent Kompany ee inta ugu badan kulamada xili ciyaareedkan ee kooxda Manchester City, ay sabab u tahay saameynta ugu xoogan ay kooxda Pep Guardiola ku noqotay inay qeyb ka noqon weydo kooxaha ku tartamaya ku guuleysiga horyaalka Premier League.

Vincent Kompany ayaa qaab ciyaareed cajiib ah ku soo bandhigay kulankii ay shalay kooxdiisa la ciyaartay Southampton, wuxuna kulanka ku soo idlaaday 3-0, xili gool ka mid ah uu kulahaa kabtanka kooxda Vincent Kompany, kadib kasoo laabashadiisa dhaawacii uu la dhibtoonayay tan iyo bishii  August 2015.

Kadib bandhigii wanaagsanaa kulankii Southampton ee Vincent Kompany ayaa wuxuu Steven Gerrard u sheegay “BT Sport”: “Manchester City waxay u tartami lahayd horyaalka Premier League, hadii uu Vincent Kompany qeyb ka noqon lahaa safkeeda tan iyo bilawga xili ciyaareedka, sababtoo ah waa xidig saameyn xoogan ku leh safka kooxda Pep Guardiola, sababtoo ah wuxuu qeyb ka yahay xidigaha howsha adag ka dhax qabta garoonka”.

Si kastaba Manchester City ayaa haatan fadhida booska 3aad ee dhanka kala sareynta horyaalka Premier League ee xili ciyaareedkan, kadib markii ay kulamadii ay kasoo ciyaartay ka heshay 64 dhibcood, waxayna 11 dhibcood u jiraan hogaamiyayaasha Chelsea, oo iyagu aruursaday ilaa iyo haatan 75 dhibcood.

Read More

In Liverpool Ay U Sheegtay Iney Iibinayan, Iney Barca Xiiseyneysay & Xabi Alonso Oo Ka Sheekeyay Sida Uu Busquets Uga Diiday Inuu Aado Camp Nou.

Ciyaariyahankii hore Liverpool iyo Real Madrid Xabi Alonso haatanna ka mid ah xidigaha kooxda Bayern Munich ayaa banaanka soo dhigay iney xiiso usoo bandhigeen Barcelona ka hor inta uusan 2009 ku biirin Los Blancos.
Xabi Alonso oo 35-jir ah ayaa isaga tagay Reds sanadkii 2009 isagoo aaday kooxda Real Madrid, wuxuuna mudadiisa halkaas ku guuleystay La Liga, Champions League, Copa del Rey, Super Copa de Espana ka hor inta uusan Pep Guardiola kula midoobin Allianz Arena.
Xidigii hore qaranka Spain ayaa ku dhawaaqay inuu dhamaadka xili ciyaareedkaan ka fariisan doono kubadda cagta balse wuxuu ka sheekeeyay sida uu Sergio Busquets uga hor istaagay inuu ku biiro Barcelona ka hor Madrid.

“Waxey dhacday waqti aan sidaas uga fogeyn marka aan aaday Real Madrid” Ayuu Alonso u sheegay El Pias, “Liverpool waxey ii sheegtay iney doonayaan iney i iibiyaan, macalinkii xiligaas Benitez ayaa sidoo kale ii sheegay, Pep ayaa xiiseynayay xaaladeyda”
“Wuxuu doonayay inuu ila saxiixdo sida uu ii sheegay Rafa, waxaana ahaa nuuca ciyaartoyda ee ku haboon doorkooda, balse wuxuu galiyay shaki sababtoo ah Busquets oo kasoo dhexbaxay kooxda, wuxuuna noqday ciyaariyahan weyn”
“Guardiola isaga ayuu doortay, mana uusan dooneyn inuu qalad sameeyo”
Si kastaba Alonso ayaa haatan 23-kulan oo Bundesliga ah kasoo muuqday Bayern xilli kooxda Fc Hollywood ay 8-dhibcood hogaanka horyaalka ku heyso.

Read More

Warbixin: Raacashadii Hererra Ee Hazard Oo Lagu Najaxay & Shan Waxyaabood Oo Laga Bartay Kulankii Ay Man United Old Trafford Ku Dubatay Chelsea

Manchester United ayaa hadiyad weyn u gacan gelisay Tottenham tartanka horyaalka Premier League ka dib markii ay guul 2-0 ka gaareen kooxda Chelsea ciyaartii maanta ka dhacday Old Trafford.
Guuldaradaas waxa ay keeneysaa in kooxda Antonio Conte ay kaliya afar dhibcood hogaanka kaga qabtaan kooxda kaalinta labaad ee Spurs.
Marcus Rashford ayaa United hogaanka u dhiibay qeybtii koowaad ka hor inta uusan Ander Herrera goolka labaad ahlinin qeybtii labaad ee ciyaarta.
Hadaba waxaan eegeynaa shan waxyaabood oo laga bartay kulankii maanta….

1. United oo nasiib ku laheyd go’aankii kubada gacanta

 

Baaskii uu Ander Herrara siiyay Marcus Rashford goolkii furitaanka ee ka dib markii ay ciyaarta socotay todobo daqiiqo waxa ay aheyd fantastik, laakiin xiddiga khadka dhexe ayaa nasiib ku lahaa inaan lagu ciqaabin kubad gacan aheyd ka hor inta uusan caawiye noqonin.
Ciyaartoyda Chelsea ayaa ku carooday garsoore Robert Madley madaama uu Herrera gacantiisa u isticmaalay inuu ku celiyo baaskii Nemanja Matic.

2. Raacashadii tooska aheyd ee Herrera ee Hazard oo shaqeysay

Kubada cagta casriga ah, in shaqsi shaqsi la isku raaco waxaa inta badan loo arkaa wax laga tagay, taatiko hore oo duqowday, laakiin sida uu Ander Herrera u raacday Eden Hazard isagoo u raacayay meel walba uu xiddiga reer Belgium ka tago garoonka ayaa u shaqeysay kooxda United. 

Hazard ayaa awood u yeelan waayay inuu saameyntiisa caadiga aheyd ku yeesho ciyaarta, waxaana ay United ku ku guuleysatay inay la degto xiddiga reer Belgium, si la mid ah Pedro ayaa isna rafaaday madaama uu raacasho toos ah kala kulmay Matteo Darmian.

3. Rashford oo ka faa’ideystay fursadii la siiyay

Iyadoo Zlatan Ibrahimovic lagu soo bilaabay kursiga keydka kulan Premier League ah markii ugu horeysay, Marcus Rashord ayaa la siiyay fursad uu ku soo bandhigo inuu hogaamin karo weerarka, waxaana uu ciyaaray kubad saameyn leh.
19 jirkaan ayaa ka soo baxay howshii loo dhiibay, isagoo dhaliyay goolkii furitaanka ee United, waxaana uu orodkiisa iyo dhaqdhaqiisa caqliga ku dhisnaa uu ku jahwareeriyay daafaca Chelsea.
Waxaa soo martay xitaa fursado kale uu gool ku dhaliyo, laakiin waxa uu xaqiijiyay inuu xureysan karo booska gooldhaliyaha.

4. Herrera oo ka aargutay Chelsea

Ander Herrera ayaa ahaa xiddiga eeda oo dhan dusha laga saaray kulankii Chelsea ee bishii hore, isagoo galay labo qalad oo isku xiga taasoo keentay in casaan la siiyay kulankii United looga badiyay 1-0 ee FA Cup.
Herrara ayaa dareemay in lagu degdegay casaankiisa kulankaas, waxaana uu u ciyaaray nin aargudasho u socda kulankii maanta isagoo caawiye ka noqday goolkii Rashford, waxaan uu dhaliyay goolkii labaad ee ciyaarta.

5. Chelsea oo saameyn ay ku yeelatay isbedelkii ay sameeyay xilli danbe

Markii Marcos Alonso uu ku dhaawacmay iskululeynta, tababaraha Chelsea ayaa lagu qasbay inuu isku shaandheyn xilli danbe ah sameeyo, isagoo daafaca ku soo daray Kurt Zouma, waxaana ay talaabadaas keentay in Chelsea ay xaga danbe ka jilcanaato.
Ma jirin xiriir ama isfaham u dhaxeeyay Zouma iyo David Luis iyadoo United ay si buuxda uga faa’ideysatay isfaham la’aantooda xaga danbe.

 

 

 

Read More

Hordhac: Middlesbrough v Arsenal – Ka Dib Xasuuqii Ka Soo Gaaray Crystal Palace Isniintii Hore, Arsenal Wadada Guusha Ma Ku Soo Laaban Doontaa?

• 

  Kulanka: Middlesbrough v Arsenal

• Garoonka: Riverside

• Waqtiga: 10pm Saacada Geeska Afrika

• Garsoore Anthony Taylor

Arsène Wenger ayaa ku fekeri kara inuu dhibaatooyin ku wajahayo Arsenal laakiin Middlesbrough ayaa xaqiiq ahaan dhibaato ku jirta. Waa koox kaliya ee horyaalka kubada cagta Ingariiska ee aan wax guul ah gaarin sannadkan 2017, guushoodii ugu danbeysay ee horyaalka waxa ay ka gaareen Swansea 17kii bishii December.

Dhanka kale Wenger ayaa ka warqaba inay kooxdiisa howl adag u tahay inay ku dhameystaan afarta kooxood ee ugu sareysay horyaalka isagoo qirtay inay seegi karaan markii ugu horeysay Champions League intii uu macalin ka ahaa kooxda.

Sideedii kulan ee ugu danbeysay horyaalka ee ay ciyaartay Arsenal waxa ay badiyeen kaliya labo kulan oo ka mid ah iyagoo barbaro galay kulan kale, halka shanta kulan kale laga badiyay taasoo keentay inay u dhacaan kaalinta todobaad iyagoo leh 54 dhibcood, waxaana ay 10 dhibcood ka danbeeyaan kooxda kaalinta afaraad ee Man City laakiin Gunners labo kulan ayaa u harsan marka City loo eego.

Arsenal waxaa Isniintii hore 3-0 ku soo xasuuqday kooxda Crystal Palace, waxaana ay rajeynayaan in Isniinta caawa ah inaysan la kulmin natiijo taas la mid ah, waxaana ay ku qasban yihiin inay ku soo laabtaan wadada guusha si ay u soo nooleeyaan rajada yar ee ay qabaan.

MAXAA KA CUSUB?

Middlesbrough ayaa waxaa niyad-dhis u noqon doona soo laabashada kabtan George Friend oo ka soo kabsaday dhaawac kubka ah

Gaston Ramirez ayaa sidoo kale diyaar ah ka dib markii canqowga ay jug ka soo gaartay, xiddiga kaliya ee ka maqnaanaya waa Calum Chambers oo aan ka horimaan karin kooxda milkiyadiisa iska leh.
Arsenal ayaa dib u soo dhaweyn doonta kabtan Laurent Koscielny kaasoo labo kulan ku seegay dhaawac.
Goolhaye Petr Cech ayaa isna soo laaban kara ka dib dhaawac kubka ka soo gaaray laakiin Lucas Perez iyo David Ospina ayaa weliba dhaawacyo ku maqan.

Middlesbrough (5-3-2): Valdes, Barragan, Ayala, Espinosa, Gibson, Downing; Clayton, Leadbitter, Forshaw; Negredo, Stuani.
Arsenal (4-2-3-1): Cech; Monral, Mustafi, Gabriel, Bellerin; Coquelin, Elneny; Sanchez, Ozil, Walcott; Welbeck

MA OGTAHAY?

• Middlesbrough labada badinin afar kulan oo Premier League ah oo ay gurigooda ku soo dhaweeyeen Arsenal. Labo kulan oo ka mid ah ayay badiyeen halka labada kulan kale ay ku dhamaatay barbaro.

• Arsenal ayaa shabaqa soo taabatay 13kii kulan ee ugu danbeysay ee Premier League ee ay martida u ahaayeen Middlesbrough.

Read More

“Isagu Ma Ahan Roberto Carlos” Gary Neville Oo Su’aal Ka Keenay Sida Ay Chelsea Ugu Dhibtootay Marcos Alonso.

Falanqeeyaha heerka sare ee Sky Sports Gary Neville ayaa su’aal ka keenay nuglaanta ay Chelsea u nugushahay dhibaatada marka lagu qasbo iney isticmaasho qeyb ka mid ah ciyaartoyda kooxda.

Blues ayaa weysay Marcos Alonso oo dhaawac uu soo gaaray intii lagu jiray iskulul-leynta kulankii ay 2-0 guuldaro ah ka heleen Manchester United, maqnaashahiisa ayaana u muuqda in kooxda aysan aheyn mid miisaaman.

Neville ayaa shaaca ka qaaday in kooxaha waaweyn oo dhan ay waayeen ciyaartoy, balse Chelsea ay ku fashilantay iney is hagaajiso marka ay waayeen daafacooda bidix waana walaaca laga qabo kooxda Antonio Conte.

Isagoo fadhiya xarunta Sky Sports ayuu yiri Gary: “Hadii ay lumiyaan Hazard iyo Costa isla markaana imaatinkodoa uu guuldareysto waxaan dhihi lahaa waa cadaalad ku filan”

“Waxey lumiyeen Alonso, waa kuwa ugu dambeyntii muujiya iney lumiyeen daafac bidix, waa daafac bidix oo hufan, balse maahan Roberto Carlos, waxaan dhihi karnaa in xaqiiqdii ay kala jabeen”

“La’aantiis waxey sameeyeen isku dheeli tir la’aan, wax shaki ah lama galin karo arinkaas”

Read More

DEG-DEG: Madaxweynaha Xiriirka Kubadda Cagta Qaaradda Afrika Ahmad Ahmad Oo Soo Gaaray Magaalada Muqdisho.

Sida ay noo xaqiijiyeen qaar ka mid ah wariyayaasha ciyaaraha ee fursadda u helay iney ka qeyb galaan soo dhaweynta madaxweynaha cusub ee xiriirka kubadda cagta Qaaradda Africa ee CAF [Ahmad Ahmad] ayaa soo gaaray magaalada Muqdisho.Madaxweyne Ahmad wuxuu talada ka badalay Isse Hayatou oo ku fadhiyay kursiga ugu sareeya CAF tan iyo 1987 wuxuuna ka badalay bishii March ee sanadkaan kadib doorasho ka dhacday dalka Itoobiya.
Safarka Madaxweynaha cusub wuxuu ahaa mid horay u qorsheysnaa, wuxuuna goor dhaw kasoo dagay garoonka diyaaradaha ee Aden Adde International Airport.

Mohamed Shurie Nur oo ka mid ah saxafiyiinta ciyaaraha ee ka hawlgala magaalada ayaa ii sheegay in qorshaha la maleynayo ee madaxweynaha xiriirka kubadda cagta ee CAF uu yahay inuu booqdo garoomada Benaadir Stadium iyo Jaamacadaha oo ah labada garoon ee ay ka dhacaan ciyaaraha ay maamulaan xiriirka kubadda cagta iyo sidoo kale garoonka ay fariisinka ka dhigteen ciidamada AMISOM ee Stadium Muqdisho

Sidoo kale wuxu kulamo la yeelan doonaa Madaxweynaha Dowladda Federaalka Soomaaliya Maxamed Abdullaahi Farmaajo iyo Ra’isulwasaare Kheyre isagoo mid walba kula kulmi doona xafiiskiisa.
Sida wararka qaar sheegayaan Ahmad Ahmad oo ahaa madaxweynahii hore xiriirka kubadda cagta dalka Madagascar ayaa xiriir wacan la leh madaxweynaha xiriirka kubadda cagta Somaliya Abdiqani Sacid Carab, waana arinta soo dadajisay inuu safarada ugu horeeyay ee waayahiisa madaxtinimo ku yimaado Somalia.
Ugu dambeyntii wararka xanta ah ee ay heleyso Laacib.net waxaa ka mid ah in madaxweynaha uu madaxda siyaasadda ee dalka kala hadli doono sidii ay macquul ku noqon laheyd iney ciidamada AMISOM ka raraan Stadium Muqdisho

Read More

Shirkada Wakiilka Cristiano Ronaldo Ee Jorge Mendes Uu Leeyahay Ee Gestifute Oo War Saxaafadeed Si Adag Ugu Beenisay In Ronaldo Uu Fal Kufsi Ah Ku Kacay Balse Uu Lacag Adeegsaday Si Uu Dhibanaha U Aamusiiyo.

Sidii aanu idiin soo gudbinay wargayska Germany ka soo baxa Der Spiegel ayaa daabacay warbixin uu shaaca kaga qaaday in Cristiano Ronaldo uu sameeyay kufsi isla markaana uu dhibanahii uu falkan galmada qasabka ah uu u gaystay ay isaga iyo qareenkiisu lacag siiyeen si aanu u hadlin, waxaana sirtan bixiyay Football Leaks oo siraha qarsoon ee kubbada cagta muddo soo bandhigayay. Laakiin shirkada uu Jorge Mendes leeyahay ee Gestifute ayaa war saxaafadeed ka soo saartay eedaymaha xidigaha ree Portugal loo haysto.

Shirkada wakiilka Cristiano Ronaldo ee Jorge Mendes uu leeyahay ee Gestifute ayaa warkan ku tilmaantay mid been abuur ah waxayna ku balan qaadeen in Cristiano Ronaldo uu si adag uga jawaabi doono eedaynta loo soo jeediyay isla markaana uu wax kasta ka samayn doono.

War saxaafadeedka ka soo baxay shirkada wakiilka Jorge Mendes ee Gestifute ayaa lagu yidhi: ” Maanta wargayska Germany ee  Der Spiegel waxa uu daabacay warbixin dheer oo la xidhiidha eedayn kufsi kaas oo lagu soo jeediyay in Cristiano Ronaldo uu gaystay 2009 kii waana sideed sanadood ka hor. Warbixintani ma aha wax jira laakiin waa khiyaali ama been saxaafadeed”.

Qoraalka shirkada wakiilka Jorge Mendes ee Gestifute ayaa la sii raaciyay: “Dhibanaha la eedeeyay waxa uu iska diiday in uu soo baxo oo uu cadeeyo isla markaana uu muujiyo eedaynta. Wargaysku waxa uu warbixintiisa oo dhamaystiran ku saleeyay dokumentis kuwaas oo aan la saxiixin isla markaana aan qaybaha dhinaca ka ahaa la sheegin, waana Emailo u dhexeeyay qareenada kuwaas oo ayna waxa ku qorini khusayn Cristaino Ronaldo, kuwaas oo siidayntooda aanu cadanayn karin iyo warqad la sheegay in isaga uu u soo diray qofka la sheegay in uu yahay dhibanaha balse aanu marnaba Ronaldo helin

Qoraalkan oo looga hadlayo waxa uu Ronaldo samayn doono ayaa lagu yidhi: “Eedaymaha uu ka warbixiyay De Spiegel waa kuwo been ah isla markaana waxa uu Cristiano Ronaldo samayn doonaa wax kasta oo awoodiisa ah si uu waxyaabahan uga falceliyo. Eedaynta fal kufsi ahi waa mid ceeb ah oo cadho leh, mana ogolaan doono isagu in ay sumcadiisa saamayso”

Read More

Shaxda Rasmiga Ah Ee Sporting Gijon Vs Real Madrid Iyo Zinedine Zidane Oo Shaxdiisa Isbadal Wayn Ku Sameeyay.

Tababaraha Real Madrid ee Zinedine Zidane ayaa shaxdiisa isbadal wayn ku sameeyay isaga oo kulankan nasiyay Cristiano Ronaldo, Karim Benzema iyo Keyloar Navas waxaana kulankan dhawaac ku seegay Gareth Bale taas oo la micno ah in BBC ay gabi ahaanba kulankan ka maqan yihiin

Kiko Casilla ayaa goolka Madrid ku soo bilawday waxaana difaaca ku wada jira , Danilo, Ramos, Nacho, Coentrao laakiin haddii uu Nacho wax kaadh digniin ah qaato waxa u seegi doonaa kulanka Barcelona. Kovacic, James iyo Isco ayaa khadka dhexe ku wada bilawday halka Lucas Vázquez, Asensio iyo Morata ay weerarka ku wada jiraan

SHAXAHA RASMIGA AH EE LABADA KOOXOOD:

Sporting Gijon: Cuéllar, Lillo, Meré, Babin, Amorebieta, Isma López, Carmora, Sergio Álvarez, Vesga, Moi Gómez, Čop.

Real Madrid: Kiko Casilla, Danilo, Ramos, Nacho, Coentrao, Kovacic, James, Isco, Lucas Vázquez, Asensio, Morata.

Kaydka Rubén Yáñez, Kroos, Marcelo, Casemiro, Mariano, Modric, Tejero.

Read More

Khabiirka ROBBIE SAVAGE Oo Saadaaliyay Afarta Kooxood Ee Kaalmaha Sare Kaga Dhamaysan Doona Premier Leaque-ga, Dhibcaha Ay Kala Heli Doonaan, Natiijada Laga Filan Karo Kulamada U Hadhsan Iyo Laba Kooxood Uu War Xun Siiyay.

habiirka kubbada cagta Robbie Savage oo warbixin dheer ku qoray wargayska Daily Mirror ayaa sharaxaad ka bixiyay qaabka uu filayo in afarta kooxood ee ugu sareeya ay noqon doonaan iyo kooxaha ku dhamaysan kara. Robbie Savage ayaa bilawgii xili ciyaareedkan ka mid ahaa raggii saadaasha ka bixiyay horyaalka Premier leaque-ga iyo sida kaalmaha sare loogu dhamaysan karo.

Robbie Savage ayaa qormadiisa ku bilaabay war xun oo aan u fiicnayn jamaahiirta kooxaha Arsenal iyo Manchester United wuxuuna ku dooday in qaabka ay wax u socdaan in Mourinho iyo Wenger ay xili ciyaareedkan seegi doonaan afarta kaalmood ee sare

Robbie Savage ayaa yidhi: “ka hor intii aan kubbadba la laagin waxaan saadaaliyay in sanadkani uu yahay sanadkii ay Gunners seegaysay kubbada cagta Champions Leaque-ga ee intii uu Arsene Wenger soo maamulayay isla markaana aaniga farxad ima siinayso in natiijooyinku ay cadeeyaan sidii hoos ku qoran ee aan u saadaaliyay”.

Robbie Savage ayaa saadaliyay in Chelsea ay 91 dhibcood ku qaadi doonto koobka horyaalka Premier Leaque-ga isla markaana ay Tottenham kaalinta labaad ku gali doonto 83 dhibcood. Wuxuuna kaalinta saddexaad u saadaaliyay  Manchester City oo uu siiyay 78 dhibcood halka uu kaalinta afraad u hibeeyay Liverpool oo uu siiyay 76 dhibcood balse Manchester United oo kaalinta shanaad ah iyo Arsenal oo kaalinta lixaad ah ayuu sheegay in ay seegi doonaan Champions Leaque-ga.

Saadaasha Robbie Savage Ee Afarta Kaalmood Ee Sare Iyo Kooxaha Uu U Saadaaliyay Kaalmaha Sare Iyo Waliba Natiijooyinka Kulamada U Hadhay Lixda Kooxood Ee Waa Wayn:

KULAMADA CHELSEA U HADHAY:

Man Utd (marti) barbaro

Southampton (minan) Guul

Everton (marti) Lose

Middlesbrough (minan) Guul

West Brom (marti) Guul

Watford (minan) Guul

Sunderland (marti) Guul

Dhibcaha: 91 = Champions

KULAMADA TOTTENHAM U HADHAY

Bournemouth (marti) Guul

Crystal Palace (marti) Barbaro

Arsenal (Minan)  Guul

West Ham (marti) Barbaro

Man Utd (Minan) Barbaro

Leicester (marti)  Guul

Hull (marti)  Guul

Dhibcaha: 83 = Kaalinta labaad

KULAMADA MANCHESTER CITY U HADHAY:

Southampton (Marti) Barbaro

Man Utd (Minan) Barbaro

Middlesbrough (marti) Guul

Crystal Palace (Minan) Guul

Leicester (Minan) Guul

West Brom (Minan) Guul

Read More