Mar kale ma laga yaaabaa in la ganaaxo kabtanka Qaranka Brasil Ee NEYMAR JR,sabab?

Inkastoo aan la ogeyn go’aanka ay qaadan doonto FIFA, hadana qof walba wuxuu la amakaagsan yahay go’aankii ka dambeeyay ganaaxa Lionel Messi – waxeyna qof walba filan kartaa inuu hay’adda ugu sareysa ka yimaado go’aan mar kale lagu ciqaabayo xidig Barcelona ah.

Neymar Junior ayaa ahaa dhaliyaha goolka labaad ee Brazil kulankii ay 3-0 ku garaaceen Paraguay ciyaar ka tirsan isreeb-reebka koobka Aduunka wadamada Koonfurta America, balse dabaal dagiisii goolkii la ansixin waayay wuxuu noqday mid hadda ka hor lagu ciqaabay ciyaariyahanka Paris Saint Germain Edinson Cavani.

Dabaal dagga toogashada ayuu Cavani ku muteystay kaarka jaalaha, waxaana la leeyahay garsoorahii kulankii Brazil iyo Paraguay wuu ilduufay waxaase suuragal ah in FIFA ay xidigaan xanibaad kusoo rogto taasoo saameyn ku yeelata kulamada kale ee u haray qarankiisa